Sorkuntza-lan honen abiapuntua apatia soziala da, birus baten moduan ikusita, irudiz, gaur egungo gizateria suntsitzen ari dena, emozioak sentitzeko eta adierazteko gaitasuna pixkanaka desagertzen ari den mundu honetan, gure pertzepzioa eta munduarekiko, gainerakoekiko eta gurekiko harremana arriskuan jarriz.
NUMB piezak apatiaren eta loaldi sozialaren kausei buruz hausnartzen du, eta ikuskizunak, batez ere, gertaera horren ondorioen aurrean jartzen gaitu: eguneroko errealitate garaikidearen ispilua, lorkizunak mugatu eta ekintza lausotzen duen tranpa mental moduko bat, pixkanaka-pixkanaka, besteak beste, gorputza indargabetzen diguna.
NUMB (apatikoa) kalean antzezteko ikuskizuna eta diziplina anitzeko ikus-entzunezkoa da, eskala handiko egitura eszenikoan oinarritua, bideo-mappinga eta antzerki fisikoa eta aireko akrobaziak erabiltzen dituena (ohikoak ez diren tresnen gainean). Partaideen zerrenda diziplina askotakoa da: aktoreak, dantzariak, akrobatak...