“Bewis de la Rosa” Beatriz del Monteren proiektu artistiko poliedrikoa da, zeinak RAP RURAL kontzeptuaren inguruko ikerketa baitu oinarri. Taldearen lehen lanak Amor más que nunca du izena, eta bi hausnarketa-ardatz proposatzen ditu: maitasuna eta landa-mundua. Tradizio gaztelarrari erreferentzia argiak egiten dizkion unibertso eszeniko bat ekartzen du, eta bertan, musika, dantza eta performancea uztartzen dira. G. Rams musika-ekoizlearen soinuarekin batera, raparen, hip-hoparen, musika latinoaren eta folklorearen elementuak biltzen ditu, letra mamitsuekin. Pentsamendu kritikoa, transfeminismoa, desazkundea, zauri historikoa eta osasun mentala lantzen ditu, maitasunetik eta artetik abiatuta, gizartea eraldatzeko bitarteko gisa.
Zalantzarik gabe, Bewis de la Rosak proposamen artistiko bete-bete, ausart, fresko eta koherentea aurkezten du, eraldaketa alderdi guztietan egitera gonbidatuz. Eta lan horregatik da, hain zuzen, artista independente ezagunenetako bat une honetan; denon ahotan dago egiten duen aurrekaririk gabeko zuzenekoari esker.