Ikuskera, hau da, ikuspegi fisikoa zein emozionala, etengabe agertzen da gure bizitzetan.
Izaki bizidunok garapen fisiko eta mental konplexua eta, kasu batzuetan, luzea izaten dugunez, ulertzekoa da gure ikuspegia bizitzan zehar behin baino gehiagotan aldatuz joatea. Molde fisikoan hazi ahala, mundua hainbat garaieratan ikusiko dugu denboraren poderioz eta, horregatik, egoera berdinak ez du eragin bera izango gure bizitzako aldi desberdinetan.
Bizipenek apurka-apurka kontzeptu jakin batzuk aldarazten dizkiguten elementuak ematen dizkigute, eta horrek, ezinbestean, mudatu egiten du ingurunea ulertzeko eta inguruan gertatzen direnei erantzuteko modua.
Dantzaren gainean dugun ikuskera oso desberdina da, begirada-planoaren araberakoa; gure ikuspegia mugatua da, eta ezin gara ikuspegi posible guztietara iritsi.