Menu
Laburpena
"Eta zu eta ni, hain urrunetik etorrita, kosmosa zeharkatuz honaino iritsi garenean, apurka-apurka urtuko gara dagoeneko osatzen dugun kosmosean". Bi gorputz eta drone batentzako pieza. Zientzia-fikzioaren iruditeriatik, komikiaren narrazio zatitu eta fotografikoetatik, ordenagailuz sortutako irudietatik (CGI), eta efektu berezietatik edaten du. Etorkizun posible bat marrazten duen poema dantzatu bat, kantu bat guri forma emateko denbora zeharkatzen duen argiari.
“Qabalum” dantza garaikideko kolektibo bat da, 2020an Iruñean eratua, sorkuntza eta interpretazioari, irakaskuntzari eta bitartekaritza kulturalari emana. Lucía Burguetek eta Diego Pazók osatzen dute, eta euren lanak Espainia osoko eta nazioarteko jaialdi eta antzokietan erakutsi dituzte. Sorkuntza- eta pedagogia-lana taldean egiteaz gain, Diegok eta Luciak euren interprete-karrerari eusten diote zenbait koreografo eta konpainiarekin (Daniel Abreu, Jesús Rubio, LED Silhouette, Antonio Ruz, Elías Aguirre eta Laida Aldaz, besteak beste).
Euren lanetan, gorputzaren aldeko apustua egiten dute motor narratibo eta poetiko gisa, artisautza koreografikoaren alde dramaturgia gisa, eta zehaztasunaren alde –bai teknikaren aldetik, bai presentzia eszenikoaren aldetik–, ikuslea, une labur batean, dantzaren denbora mugagabean murgil dadin.
