Naturan egiten dituen esku-hartze artistikoak modu globalean partekatzeko helburuarekin, Janire Etxabek “Harrobi Dantza Bertikala” konpainia sortu zuen, Diman (Bizkaia), 2020an.

Dendu, Harria Herria eta Geure(R)a dira biran dituen ikuskizunak. Hirurak daude SAREAren (Euskadiko Antzoki Sarea), ADDEren (Euskal Herriko Dantza Profesionalen Elkartea) eta ARTEKALEren (Euskal Herriko Kaleko Arteen Elkartea) obra gomendatuen katalogoetan.

Harria Herria 2022ko MAX sarietako finalista izan zen kaleko ikuskizun onenaren kategorian. Bestalde, Geure(r)ak Leioako Umore Azokako epaimahaiaren ohorezko aipamena jaso zuen, 2023ko maiatzean, estreinatu zen egunean. Horrez gain, 2024ko MAX sarietan nominatua izan zen espazio eszenikoaren disenu onenaren kategorian eta finalista izan zen kaleko ikuskizun onenaren kategorian.

Besteak beste, konpainiak honako jaialdi hauetan parte hartu du: Pedra Viva (Menorca), TAC (Valladolid), Fira Manresa, CAFCA (Oviedo), DFeria (Donostia), Kalealdia (Bilbo) eta Kaldearte (Gasteiz). Gainera, hainbat artistarekin lan egin du, adibidez: Oreka TX, Toti Martinez de Lezea, Itziar Ituño, Agurtzane Intxaurraga, Silberius de Ura, Natxo Arantegui eta Juantxo Zeberio.

Bestalde, publikoak sentsibilizatzeko proiektu pedagogiko bat garatu du, lau lerrotan egituratuta: etengabeko prestakuntzak konpainiako dantzariekin; formakuntza intentsiboak goi-mailako koreografoen eskutik; hitzaldi dantzatuak; proiekzioak eta mendi-irteerak, sorkuntza koreografikora begira espazioak partekatzeko esperientzia intentsibo gisa.

“Harrobi Dantza Bertikalak”, gainera, site specific ikuskizunak egiten ditu museoetan, espazio naturaletan eta eraikin enblematikoetan, eta neurrira egindako proposamen eszenikoak garatzen ditu ekitaldi etaospakizunetarako.

Egun, konpainia ekoizpen berri baten ikerketa-prozesuan ari da lanean. 2026ean estreinatuko du, bere seigarren urteurrenean.