Menu
Laburpena
Empaque ikuskizunean, zirkuak eta flamenkoak bat egiten dute lengoaia berezi batean, identitateari buruz hitz egiteko.
Egileak, bolanteen, kanten eta piloten artean oinez, ezarritako mugak zeharkatu, eta bere muinera eramango gaitu. Hor, segurtasun eza eta indarguneak konpasaren, jaurtiketen, erreboteen eta intzirien bidez lotzen dira.
Bada, zalantza sortu arren, erabakia hartuta dago. Eta orain marjina horren gainean ibiltzea baino ez da geratzen, funanbulista bat tenplu batera doanean bezala... Empaque-ren tenplura.
“Cía. Chicharrón Circo Flamenco” Andaluzian jaio zen, bere sortzaile eta interprete Germán Lópezen urteetako lanaren emaitza. López malabarista andaluziarrak zirkua eta flamenkoa uztartzen ditu. Bere ikerketa-lerroan, piloten malabarrak eta erritmo eta konpas flamenkoak dira nagusi.
Flamenkoaren eragina txikitatik iritsi zitzaion Germani. Esan daiteke ez dakigula noiz hasi zen Chicharrón izaten.
Zirkua, berriz, geroxeago iritsi zen.
Gorputz Hezkuntzako diplomatua eta Gizarte Hezkuntzako unibertsitate-graduatua izanik, zirkuko prestakuntza-etapa bat garatu zuen Europan. Duela 10 urtetik hona, Andaluziako zirku-elkarte eta -eskoletan egiten du lan prestatzaile gisa, bai eta zirku sozialeko proiektuak koordinatzen eta garatzen ere.
Arte- eta prestakuntza-eremuan, malabarrean, gorputzean eta flamenkoan profesionalizatzen jarraitzen du, bai eta etengabeko prestakuntza-lanean ere, urteroko ikastaroekin: bertikalak, airekoak, dantza bertikala, clown eta hainbat sorkuntza- eta dramaturgia-lerro.
