Menu
Laburpena
Devoris Causa iragana, oraina eta etorkizuna da, eta, batez ere, irudimena, horixe baita neurri eta katalogazioetatik kanpo dagoen espaziorik denboragabeena, askatasun-espazio nagusia.
Espazio zirkular baten intimitatean eskainitako ikuskizuna, non bi pertsonaiaren mugimenduaren poesiak emozioen pluskuanperfektu mugagabearen iraganeko etorkizunera eramango gaituen. Elementuen manipulazioak, kasu honetan barazkienak, sukaldaritzako lurrin zaporetsuenekin historia krudel eta arrunt bat azaltzeko balio digu. Mugimenduarekin esperimentatuz, eta espero ez dugunean zirkua barra-barra darien pertsonaia batzuen dramaturgian sakonduz, istorioari zapore gazi-gozoa, mina, mikatza eta gazia ematen zaio. Ez da sukaldaritzako, zirkuko, dantzako edo antzerkiko ikuskizun bat; eguneroko erritual baterako gonbidapena da, intrigaz, dastaketaz, balentriaz, mugimenduz eta dramaz betea.
Sar zaitezte zulo honetan, eta egin men usain bikain hauei.
Probatu, eta gero hitz egingo dugu.
On egin!
1987an, Bet Miraltak eta Jordi Aspak “Escarlata Circus” sortu zuten, gaur egun “Escarlata” deritzona.
Kaleko, aretoko eta karpako ikuskizunak sortzen dituzte; bira nazionalak eta nazioartekoak egiten dituzte.
Formatu handi eta txikiko ikuskizunak eta ekitaldiak zuzendu eta sortu dituzte, aretokoak, kalekoak eta karpakoak, zirku-eskoletako ikasleekin, konpainia profesionalekin nahiz amateurrekin.
Azkenaldian, erakusketatik harremanera igarotzen dira, parte-hartze izaerako proiektu komunitarioen ekoizpenarekin.
1997tik 2011ra bitartean, Fira del Circ Trapezi-ren zuzendaritza artistikoa beren gain hartu zuten Reusen, sortu zenetik 15. ediziora arte.
"Zirkuak beti liluratu gaitu; bere hauskortasunagatik, sentsibilitateagatik, poesiagatik eta sentimenduak adierazteko moduengatik".
