“PSIRC” konpainia 2011n sortu zen. Lehenengo ikuskizunarekin –Acrometría– Europan eta Latinoamerikan bira egin zuten 10 urtez, 12 herrialdetan, 200 emanaldi baino gehiagorekin.  FETENen gaueko ikuskizunaren saria jaso zuen, Freiburgeko Kulturböseren "Freiburger Leiter" 2016ko saria; konpainia berri onenaren "Zirkolika 2012 saria", eta "FAD 2013" saria, sorkuntza berriari dagokiona.

2018ko apirilean Mi nombre es Hor estreinatu zuten. Bertan, Wanjak eta Adriàk, Rolando San Martinen zuzendaritzapean, bide eszeniko berriak esploratu zituzten, txotxongiloen bidez teknika eta lengoaia berriak asmatuz.  Mercat de les Flors-ek koproduzitu zuen eta, Europako "Itsasotik Itsasora – Zirkuko Pirinioak" proiektuaren laguntzarekin, Avignoneko 2023ko "Occitanie fait son cirque"-rako aukeratu zuten espainiar konpainia bakarra izan zen.

2022an, beren azken proiektu artistikoa estreinatu zuten, Després de tot izeneko saga eszenikoa, zenbait kide dituen koprodukzioa: Bartzelonako Festival Grec; La Grainerie, Fabrique des Arts du Cirque et del'itinérance; Nilak, Circ Teatre Itinerant eta Fira Trapezi Reus.  Bere piezak Mercat de les Flors-en (Circ d'ara mateix jaialdia), Teatre Nacional de Catalunya-n (ZIP jaialdia) eta Teatre Ovidi Montlló-n (Grec jaialdia) estreinatu ditu.

Després de tot-en azken pieza 2023an estreinatu zen, Gevleugelde Stad Ieper-en (Belgika) eta Trapezi de Reus jaialdian.  Ikuskizuna aurretik eginiko lan osoaren emaitza da, eta kalean antzezteko helburuarekin sortu zen. Konpainiak gaur egungo biran antzezten duen ikuskizun honek hainbat aintzatespen jaso ditu, eta Estatuko eta nazioarteko hainbat azokatan egon da.